De mèziek weurt gesjpeeld door "The Swinging Sajelband". Veur degene die 't neet weite: "The Swinging Sajelband" waor in de jaore 80 in de Aelser vastelaoveswaereld ein begrip. euveral woo zie sjpeelde waor 't fjès! Oet dees band is later de N'Awlins Brass Band ontsjtànge, die momenteel furore maak op allerlei Jazz Festivals in bènne en boetelèndj. Speciaal veur dees gelegenheid zin ze "back to the roots" gegange en höbbe saame mit ôs dit nummer opgenomme.  De band is auch te zeen in de videoclip!

Arrangemente:

 De arrangemènte zin door neemes minder gemaal dan Mathieu Alberigs, ein rasechte Aelsenaer dae al veur meinig vastelaovesleedje dde arrangemente gemaak haet. Hae wèt altied gèt ekstra's toe te voegen aan ein leedje.
 

Videoclip:

De videoclip is gemaak door Jo Goossens, de hoesfotograaf en cameraman van TVT. Hae verwirk in eeder videoclip altied ein paar verrassende effecten en is eine meister in 't knippe en plèkke

Tèks:

De tèks is geschjreeve door de carnavalis van 't joar 2003: Fons Meijers. eine man dae al jèl gèt vastelaovesaktiviteite achter ziene naam haet staon. Zwa is hae in de jaore 70 Prins van de Sajelaire gewaes, speelde en speelt weer in revu's en haet auch al jèl gèt tekste geschreeve veur vastelaoves leedjes. Zien tekste zin altied van ein whag vastelaovesgehalte.

Ich bèn neet mjè te stuute, dat veul ich in mien kuute

Dat kump al bie de jètste paaf, bie tromgeroffel of alaaf

Dan veul ich ’t euveral kriebele, mien batse wille wiebele

Höb geer dat auch dan doot mer mit, vastelaovend hilt dich fit

Refrein

Staek jèts de naas de loch in,

De hèndjes in de zie

Gwaj noe de beintjes van de vloer,

Dan weurste mager op den doer

En es ze dan geis sprènge, gewoonweg op en neer,

Dan zul ste ongervènge, vastelaovend is d’r weer

Kump ste d’n dokter taege, gaef ‘m van mich de zaege

En zèk ‘m mer ’t geit mich good, vastelaovend zit mich in ’t blood

Krieg ei flink stök in mien hakke, hoof gein medicien te pakke

Höb geer dat auch dan doot mer mit, vastelaovend hilt dich fit

 Refrein

Refrein vertraagd nao snel

Refrein versneld instrumentaal