Teks: P. Meijers, Mèziek: J. Daemen

Veer ginge op vekansie, joa gans noa Griekeland
Doa wauw veer zellef kaoke, mae dat is aangebrand
Veer zin toen oet gaon aete en kreege griekse woosj
Toen höb veer drin gebeete en verrèkte van den doosj

Refrein:
Veer höbbe doosj, doosj, doosj van die boetelènjtse woosj
Doosj, doosj, doosj van die boetelènjtse woosj
Veer höbbe doosj, doosj, doosj van die boetelènjtse woosj
Joa, wat höb veer doosj

Veer koame trùk in Aelse, dat waor op dinsdignach
Dat koam door ein vertraging en waor dus onverwach
Veer wauwe nog gèt aete, geer schjnap dat dat neet koosj
Thoes keek veer in de ieskas: allein salami-woosj
Refrein:

Veer ginge drie daag later, al nao den dikke stein
Doa woar 't erreg druk, veer waore neet allein
Veer kreege gèt te drènke en toen is 't begoosj
Bie eeder glaeske beer, goof dae ein paeperwoosj
Refrein:

Toen koam deraan 't weekend, bie Paul woor veer verwach
Dae waor ôs neet vergaete, dae hauw aan ôs gedach
Hae hauw ein leuke aktie, 't woar zwa of 't moosj
De ganse aovend lank: gratis curry-woosj
Refrein:

't Einde van 't leedje, ich kèn gein woosj mjea zin
Höb velle veur mien auge en zeen daodoor jèl min
De jètste dae mit woosj kump, dae maak ich gans kepot
Ich schjiet mich noe 't board aaf, van mien blwatte vot
Refrein: (2x)
(einde 2e keer refrein: Joa veer höbbe doosj (2x)