2Pees höbbe gemerk, dat ummer minder luuj hunne aafkoms hwag hauwe en hun kènjer plat ljaere. Auch op schwalle en op 't werk weurt ummertoe mjae "holles" gekalt. Veer kos ste dit neet langer aanwhèrre en roop mit dit leedje dan auch eederin op om "Plat" te kalle. Luuj zeet grwètsj op woot geer vandaan komp en "KAL PLAT".
Tèks:
De tèkst is geschjreeve door de 2Pees zellef. 't is de jètste kjèr, dat Pierre en Peter dit gedaon höbbe en 't haet dan auch jèl gèt kop zörrig gekos. Mae oeteindelik zin zie, zwa wie altied, d'r toch oetgekomme. Ongevjaer 8 couplette zin geschreeve, dao zin d'r nog tsjwè van euver gebleeve. Dao taege waor 't refrein snel klaor
Arrangemente / Meziek:
De arrangemente en mèziek komme oet de studio van Arno op de Camp (A-recordings). Hae haet dit zörrig gedraage veur alle muzikante en achtergrondj zangers en zangeresse
Kal plat…kal plat, hou dien mooders taal in laeve
Kal plat…kal plat, door dien ouwers dich gegaeve
Es Limburger gebaore, blaos ich jèl grwètsj van d’n taore
Op mien aafkoms gaon ich prat, dus kal ich altied plat
Bès ste aan ‘t werk of zit ste nog op schjwal
Dan wèrs ste dao allein mèr van dae hollese kal
Doe vreugs dich waal èns aaf, woo môt dat toch op aan
Kal toch gewoon limburgs, want dao kump ste vandaan
Veer spieje hie ôs gal, kal plat luuj euveral!
Mit de vastelaovend doon veer altied lekker gek
Veer zeivere en sjneure in ôs eige dialec
En kalt dan eemes holles, dan spraeke veer em aan
Waarom praat jij huilands, ben jij niet hier vandaan?
Noe zèk neet: ich höb spiet, kal plat luuj, jao altied!
Terök nao menu