Vastelaovend / De buim in
De CD veur ´t sezoen 2004/2005 bevat tsjwè leedjes:
1. Vastelaovend
Vastelaovend
In dit leedje haet Pierre de duustere kèntj van zien stum ontdek en klink hae anges dan op de veurige nummers. ´t Leedje deit ei bitje dènke aan de vastelaovesleedjes van vreuger, ´t is eine echte mitzènger
2. De buim in
Dit is ein nummer, mit eine portie humor in zwaowaal de mèziek es in de teks. Deit ´t ontzettend good bie de jeug, want die hauwe waal van gèt sjtommigheid en sjaele kal.
Tèkste:
De tèkste zin geschjreeve door Fons Meijers en Peter Meijers. Fons hauw ei paar couplette geschreeve, mae hauw gein refrein. Peter hauw ei refrein, mae hauw nog gein couplette. Ze höbbe ein aantal aovende bie-ein gezaete (onger 't genot van ei flèske wien en/of beer en gèt hapjes), mae couplette en refrein paste auch nao dae tied nog neet bie-ein .Nao ein paar flèsje wien kaom 't idee om d'r tsjwè apaarte leedjes van te maake, dat is dan auch gebeurt en daorom bevat dees CD tsjwè nummers.
Arrangemente / Meziek:
De arrangemente en mèziek komme oet de studio van Arno op de Camp (A-recordings). Hae haet dit zörrig gedraage veur alle muzikante en achtergrondj zangers en zangeresse
Vastelaovend
Vastelaovend, Vastelao-aovend, dat is veur eederein
Vastelaovend, Vastelao-aovend, dat is veur grwat en klein
Saame hosse, saame sprènge, saame danse, saame zènge
Saame efkes oet de bol en saame och de grwaatste lol
Vastelaovend, Vastelao-aovend, dat is veur eederein
Waor de vastelaovend mèr te kaup in ein tuup of in ein flèsj,
Dan hauw ich toch ’t gans jaor door de vastelaovend op de tèsj
En waor ich depri-down of veulde ich mich neet zwa good
Dan drèijde ich aan‘t stöpke en kreeg weer gooije mood
’t Broesj mich in de prie…., tis vastelaovend nondepie
Refrein:
Waor de vastelaovend mèr te kaup wie ei brwat of wie ‘ne wèk,
Dan hauw ich zeker weete, de vastelaovend jèl erg dèk
En zaot ich in de put of hauw gèt väöl aan miene kop
Dan pakte ich ein sneeke en bleuijde gans weer op
’t Broesj mich in de prie…., tis vastelaovend nondepie
Refrein (2x):
Vastelaovend, Vastelaovend, Vastelaovend, Vastelaovend,
Vastelaovend is veur eederein
De buim in
Ich bèn ein röstig mènke, dao kriet mich geine kaod
Mae mit de vastelaovend, dan steit op mich gein maot
Bèn dan neet mjae te hauwe, sprèng mich ‘t apezoer
De lamp die geit dan brènne, de plènk gaon oet de vloer
Refrein:
Geer kènt mich allemaol de buim in, geer kènt mich allemaol.... prrt prrt
‘t is mich sjiet egaal, ich sprèng noe door de zaal
Neemes kènt mich noe nog stoppe, ich gaef toch volle gáás
En wae dat dan neet good vungk, dae lèk mich mèr e ....
Mien vrunj die zèkke ummer, dat môs dich toch neet doon
Die höbbe mèklik kalle, die staon neet in mien sjoon
Mien sjoon die wille danse, mien sjoon die wille gaon
Want es ich de mèziek wèr, kèn ich neet blieve staon
Refrein:
Geer kènt mich allemaol de buim in, geer kènt mich allemaol.... prrt prrt
‘t is mich sjiet egaal, ich sprèng noe door de zaal
Neemes kènt mich noe nog stoppe, ich gaef toch volle gáás
En wae dat dan neet good vungk, dae lèk mich mèr e ....
INSTRUMENTAAL INTERMEZZO
Neemes kènt mich noe nog stoppe, ich gaef toch volle gáás
En wae dat dan neet good vungk, dae lèk mich mèr e ...(prrrrrrrrtttttt).
Terök nao menu