Please use plug-in support to play music Vastelaovesdaag      

de jètste miljeu vruntjelikke cd van de 2Pees!

"Vastelaovesdaag" is de  CD van de 2Pees van 't vastelaoves sezoen 2008/2009. De CD bevat 3 leedjes: de titelsong en daonaeve tsjwè  nummers getiteld "De Scepter" en "Kal Plat". "De Scepter", oorsprunkelik oet 2007, behaolde in november 2008 de 1e plaats bie de Limburg Expres vastelaoves hitparade en "Kal Plat", oorsprunkelik oet 2005, behaolde begin 2008 de 8e plaats in de vastelaovesartiesten top 100. De vraog waor zwa grwat, dat de 2Pees besloate höbbe dees leedjes nog eine kjèr oet te brènge.
't  leedje "Vastelaovesdaag" borduurt wiejer op 't bepreufde recept van de aafgeloupe jaore en  won  in 2008 de publiekspries op 't Aelser vastelaovesleedjes konkour. De mèziek en 't arrangement kump oet de studio van Arno op de Camp. De teks is van de 2Pees zellef.

Aan de CD-hoes is dit jaor extra väöl aandag besteedt: De foto's zin van top fotograaf Jo Goossens en veur 't ontwerp is ein professioneel grafisch ontwerpster aangetrokke: Studio Zebravink De sjwan foto's, 't eigentieds modern design, gecombineerd mit gèt humor en ein vastelaoves-saiske maak dat de CD d'r fantasties oetzuut. Auch is d'r dit jaor aan 't miljeu gedach. De CD is neet mjae verpak in ein hèl plastic hoesje, mae in ein miljeu vruntjelik, biologies aafbraekbaar kèrtunke. De CD weurt vastgezaoge aan 't kèrton mit ein gerecycled sjoerspunske. Dees verpakking geuf ug ein aantal veurdeile: - nump minder plaats in. – kostebesparend bie weggwaije: hoef neet in de greunbak (koste veur ug), mae kent in d’n aope haard (gratis wèrmte) of bie ’t auwt pepier (zwa steunt geer auch nog de plaatselikke vereiniginge). –geuf gespreksstof veur gezellige aovende mit vrunj en/of bekènde
Auch de CD is herbruukbaar: ès ongerzètter, ès wharbel, ès make-up speegelke, ès verseering aan de moer of ès verseering van de kaesbaum. Dit alles maak dees CD ein uniek produk.