Wae zin de 2Pees ?
Veer zin een zangduo oet het dörp Aelse en probeere mit ôs leedjes
en fratse uch te ammezeere tiejens
't vastelaoves sezoen.
De 2Pees bestaon oet:
Peter Meijers en
Pierre Goossens
Gebaore en getaoge in Aelse en gezwaore vrunj die al jaore saame sjpas en plezeer maake.
In 2000 höbbe veer de stoute sjoon aangetrokke en zin veer, ondanks einige muzikaale achtergrondj begôs mit vastelaovesleedjes te maake.
De oorspronkelikke naam waor Tsjwè P's, mae boete Aelse kos neemes dit oetsjpraeke.
In 2001 höb veer toen beslaote ozze naam te verangere in 2Pees.
Inmiddels verzörrige veer optraejes door gans Limburg, woobie sjpas en plezeer
hwag in 't vaandel steit.
